Mga Aman Agod Mabuligan Kita sa Paglihi sa Dugo

Ang bawtismado nga mga manugbantala nga may yara na kard nga Advance Medical Directive/Release ukon Identity Card sang 2003 indi na kinahanglan magsulat kag magpirma sing bag-o sa sini nga tuig. Para sa Miting sa Serbisyo sa semana sang Disiembre 29, dapat may bastante nga suplay nga sarang matigayon sang bag-o nabawtismuhan nga mga manugbantala, sang ila kabataan, kag sang nagakinahanglan nga islan. Ang mga kongregasyon indi pagpadalhan sing suplay sining mga kard. Kon kulang ang kard sa kongregasyon, sarang makapangabay ang sekretaryo sa kaingod nga mga kongregasyon ukon makapangabay sing dugang nga kard upod sa masunod nga pagpangabay sing literatura sang kongregasyon.

Ang mga kard dapat mahalungon nga sulatan sa puluy-an apang INDI pagpirmahan. Sa masunod nga Pagtinuon Sang Kongregasyon sa Libro, ang mga kard dapat pirmahan sang tag-iya, sang mga testigo, kag butangan sing petsa, upod ang bulig sang manugtatap sa pagtinuon sang libro kon kinahanglanon. Yadtong nagapirma subong testigo dapat nakakita gid sa pagpirma sa kard.

Ang di-bawtismado nga mga manugbantala sarang makasulat sing mga direktiba para sa ila kaugalingon kag para sa ila kabataan paagi sa pag-ilog sang nga tinaga gikan sa Advance Medical Directive/Release nga kard kag Identity Card.