Kon Ano ang Isiling Tuhoy sa mga Magasin

Ang Lalantawan Dis. 15

“Sa sini nga bahin sang tuig, madamo nga tawo ang nagahunahuna tuhoy sa pagkatawo ni Jesus. Nahunahuna mo na bala kon ano nga sahi sang pamilya ang gindak-an niya? [Tuguti nga makasabat. Nian basaha ang Lucas 2:​51, 52.] Ini nga isyu sang Ang Lalantawan nagahinun-anon sang praktikal nga mga leksion nga matun-an naton gikan sa rekord sang Biblia tuhoy sa pagpadaku kay Jesus.”

Awake! Dis. 22

“Tanan kita nagahandum nga makita ang aton kabataan nga may malipayon kag madinalag-on nga kabuhi. Ano sa banta mo ang kinahanglan gid sang kabataan agod maatubang nila ining makapahuol nga kalibutan karon? [Tuguti nga makasabat. Nian basaha ang Hulubaton 22:6.] Ini nga isyu sang Awake! nagahinun-anon kon ano ang kinahanglanon sang kabataan kag kon paano maaman sang mga ginikanan ining mga kinahanglanon.”

Ang Lalantawan Ene. 1

“Madamo nga tawo ang nagahandum sing paghidait sa duta. Sa banta mo makita pa ayhan naton ang katumanan sining mga pinamulong? [Basaha ang Salmo 46:9. Nian tuguti nga makasabat.] Ini nga isyu sang Ang Lalantawan nagahinun-anon kon paano ini mahimo kag kon ngaa makasalig kita sa saad sang Dios nga isa ka kalibutan nga wala na sing inaway.”

Magmata! Ene. 8

“Sa bug-os nga kalibutan, minilyon ka tawo ang apektado sang mga problema sa emosyon, subong sang depresyon. Ang aton Manunuga nagaulikid gid sa ila. [Basaha ang Salmo 34:18.] Ini nga magasin nagahinun-anon kon paano mabuligan ang mga nagabalatian. Nagapakita man ini sang saad sang Biblia nga sa dili madugay ang tanan nga balatian dulaon.”