Kon Ano ang Isiling Tuhoy sa mga Magasin

Ang Lalantawan Dis. 15

“Sa sini nga tion sang tuig, ang katawhan sa bug-os nga kalibutan nagadumdom sang pagkabun-ag ni Jesus sa nagkalainlain nga paagi. Nahibaluan mo bala nga ang tagna sa Biblia nagaangot sa pagkabun-ag ni Jesus sa dayon nga paghidait? [Tuguti sia sa pagsabat. Nian basaha ang Isaias 9:​6, 7.] Ini nga magasin magapaathag kon paano magaluntad ina nga paghidait.”

Awake! Dis. 22

“Natalupangdan mo bala nga daw kapin na gid ang pagpabalor sang madamo nga tawo sa ila hitsura? [Tuguti sia sa pagsabat.] Ini nga magasin nagabinagbinag sang pila ka katalagman sa pagsalimuang sa pagpatahom. Ginapadaku man sini ang balor sang katahom nga amo ang pinakaimportante.” Basaha ang 1 Pedro 3:​3, 4.

Ang Lalantawan Ene. 1

“Ang kalabanan nga mga relihion nagatudlo nga ang mga tawo dapat maghigugmaanay. [Basaha ang Mateo 22:39.] Apang, ngaa ayhan nadalahig ang relihion sa madamo nga inaway kag mga bangigay sa kalibutan? [Tuguti sia sa pagsabat.] Ini nga gua sang Ang Lalantawan nagasabat sa pamangkot, Mahiusa bala sang relihion ang katawhan?”

Magmata! Ene. 8

“Paano mo sabton ini nga pamangkot? [Basaha ang pamangkot sa panghapin. Nian tuguti sia sa pagsabat.] Makakululba gid ang pagkaubos sang duna nga manggad sang duta. Apang, talupangda ini nga saad. [Basaha ang Salmo 104:5.] Ini nga gua sang Magmata! nagapaathag kon paano ang aton planeta bug-os nga mapasag-uli.”