Kon Ano ang Isiling Tuhoy sa mga Magasin

Ang Lalantawan Dis. 15

“Sa sini nga tion sang tuig, madamo ang nagapamalandong sa ginpahibalo sang mga anghel sang nabun-ag si Jesus. [Basaha ang Lucas 2:14.] Sa banta mo magaluntad gid bala ang paghidait sa duta? [Tuguti sia nga makasabat.] Ginabinagbinag sini nga magasin kon paano paluntaron ni Jesus sa indi madugay ang paghidait sa duta.”

Magmata! Dis.

“Nagasumpakilay ang opinyon sang mga relihion tuhoy sa pag-inom sang alkoholiko nga mga ilimnon. Ano sa banta mo ang pagtamod sang Dios tuhoy sa paggamit sini? [Tuguti sia nga makasabat.] Bisan pa nga ang una nga milagro ni Jesus amo ang paghimo sing alak gikan sa tubig, ginpaandaman man kita sang Biblia. [Basaha ang Hulubaton 20:1.] Ginapaathag sini nga artikulo ang balanse nga pagtamod sang Biblia tuhoy sa sini.” Ipakita ang artikulo sa pahina 18.

Ang Lalantawan Ene. 1

“Sa banta mo matakus bala ang kadalag-an sang isa ka tawo sa kadamuon sang iya manggad? [Tuguti sia nga makasabat. Nian basaha ang 1 Timoteo 6:9, 10.] Bisan pa wala ginakondenar sang Biblia ang kuarta, ginapakita sini nga ang matuod nga kadalag-an wala nasandig sa manggad. Ini nga magasin nagapaathag sa sini.”

Magmata! Ene.

“Sa banta mo makita pa ayhan naton nga matuman ini? [Basaha ang Isaias 33:24. Nian tuguti sia nga makasabat.] Ginapaathag sini nga magasin kon ano na ang nahimo sang siensia sa medisina kag kon paano matuman ang saad sa Biblia.”