Kon Ano ang Isiling Tuhoy sa mga Magasin

Ang Lalantawan Mayo 15

“Napaligban mo na bala kon makaapektar sa Dios ang mga butang nga ginahimo sang mga tawo diri sa duta? [Tuguti sia nga makasabat.] Talupangda kon paano makaapektar sa Dios ang aton mga buhat. [Basaha ang Hulubaton 27:11.] Ini nga magasin nagabinagbinag sang pila ka halimbawa sang mga tawo nga nagpahalipay sa Dios, kag nagapaathag ini kon paano man naton ini mahimo.”

Magmata! Mayo 22

“Ang siensia sa medisina may tumalagsahon nga pag-uswag sa pagpakig-away sa balatian, apang sa banta mo makita pa bala naton ang isa kalibutan nga wala sing balatian? [Tuguti sia nga makasabat.] Ini nga magasin nagapaathag nga sa pila ka adlaw ang tagsatagsa sa duta may himpit na nga panglawas bilang katumanan sining saad.” Basaha ang Isaias 33:24.

Ang Lalantawan Hunyo 1

“Ang iban nga tawo nagabatyag nga indi na kinahanglan nga mangin miembro sang isa ka organisado nga relihion agod simbahon ang Dios. Napaligban mo na bala ini? [Tuguti sia nga makasabat.] Ini nga magasin nagausisa sang rekord sang pagpakig-angot sang Dios sa katawhan sang una. Ginabinagbinag man sini ang buot silingon sang pagsimba sa Dios sa kamatuoran.” Basaha ang Juan 4:​24.

Magmata! Hunyo 8

“Madamo nga tawo karon ang nakaeksperiensia sang kasubo. Ini nagalakip sa pagbatyag nga wala sing kaupod. Indi bala nga masakit gid ini? [Tuguti sia nga makasabat. Dayon basaha ang Salmo 25:16.] Ini nga isyu sang Magmata! nagatanyag sing praktikal nga mga panugda agod mabatuan ang kasubo.”