Kon Ano ang Isiling Tuhoy sa mga Magasin

Ang Lalantawan Hunyo 15

“Ugyon ka bala nga ang paghanas sa mga kabataan sa moderno nga kalibutan karon isa ka hangkat? [Tuguti sia nga makasabat.] Talupangda ining pasalig nga ang mga ginikanan mahimo magmadinalag-on. [Basaha ang Hulubaton 22:6.] Ini nga isyu sang Ang Lalantawan nagahatag sing praktikal nga laygay agod buligan ang mga ginikanan nga maatubang ini nga hangkat.”

Magmata! Hunyo 22

“Ang iban nagabatyag nga indi suno sa siensia ang magpati sa Dios. Apang nahibaluan mo bala nga may mga sientipiko nga nagasiling nga ang siensia nagasakdag gid sa pagpati nga may isa ka Manunuga? [Tuguti sia nga makasabat.] Ini nga isyu sang Awake! nagabinagbinag sang pila ka pamatuod nga nagdul-ong sa ila nga maghinakop sing amo sini.” Basaha ang Roma 1:⁠20.

Ang Lalantawan Hulyo 1

“Sa tion sang trahedya, madamo ang nagaduhaduha kon bala nagaulikid ang Dios sa mga tawo kag kon bala natalupangdan niya ang ila pag-antos. Nahunahuna mo na bala ini? [Tuguti sia nga makasabat.] Ini nga magasin nagahinun-anon kon paano ginapakita sang Dios ang iya kabalaka sa aton karon kag kon paano sia nag-aman sing basihan agod madula ang tanan nga pag-antos.” Basaha ang Juan 3:⁠16.

Magmata! Hulyo 8

“Para sa madamo nga tawo, ang pagkatin-edyer isa ka tion nga makalilipay kag makahalangkat, indi bala? [Tuguti sia nga makasabat.] Ini nga magasin nagahinun-anon sang mga pagbag-o nga ginaatubang sang mga nagahinupang. Ginabinagbinag man sini ang pila ka maalamon nga laygay nga makabulig sa ila nga mangin maayo gid ang ila pagkatin-edyer.” Basaha ang Manugwali 12:1.