Pamangkot

◼ Paano dapat kuhaon ang personal nga mga kopya sang Ang Lalantawan kag Magmata!?

Bangod gin-untat na ang kahimusan sang suskripsion sang Ang Lalantawan kag Magmata! sa tanan nga lenguahe, ang tanan nga manugbantala dapat na magkuha sang ila mga magasin sa lokal nga kongregasyon. Sarang makaorder ang mga kongregasyon sing mga magasin sa isa ka Congregation Requests (M-202) nga pormas. Ang dumuluong sing lenguahe kag dalagku sing letra nga mga edisyon dapat man orderon nga nagagamit sini nga pormas.

Kon may mag-order sa inyo teritoryo sing regular nga suplay sang magasin, palihug idul-ong ini pirme sa husto nga tion agod wala sing isyu nga malaktawan. Ang mga nadisfellowship sarang makatigayon sing mga magasin ukon sing iban nga literatura nga ila gamiton sa estante sang literatura sa Kingdom Hall. Ang mga nadisfellowship indi dapat pagdul-ungan sing mga magasin.

Ang mga suskripsion nga atipanon sang sanga sa Pilipinas amo lamang yadtong indi masarangan idul-ong sang isa ka utod paagi sa ruta sang magasin. Kon ang Komite sa Pag-alagad sang Kongregasyon mag-order sing mga suskripsion para sa isa nga indi makakuha sing magasin kundi paagi lamang sa suskripsion, dapat maglakip ang sekretaryo sing malip-ot nga sulat nga nagapakita nga ining order sa suskripsion gin-usisa sing maayo kag gin-aprobahan sang Komite sa Pag-alagad sang Kongregasyon.

Buot silingon sini nga ang mga manugbantala indi dapat magsulat sa sanga talatapan agod mag-order sing personal nga mga suskripsion. Ining mga order sang suskripsion nga ginhimo sang mga manugbantala ukon sang mga interesado ibalik liwat sa kongregasyon.

◼ Paano makakuha ang isa ka priso sang personal nga mga kopya sang mga magasin?

bKon sarang masuplayan sang kongregasyon sing mga magasin ang mga priso sa prisuhan sa ila teritoryo, nian dapat kuhaon sang priso ang iya personal nga mga kopya sang Ang Lalantawan kag Magmata! nga mga magasin paagi sa nagaduaw nga mga manugbantala. Kon indi ini posible, sarang makaorder sing personal ang priso sang mga suskripsion paagi sa pagsulat sa sanga talatapan. Palihug talupangda nga ang nadisfellowship nga mga priso sarang makakuha sing personal nga mga kopya sang magasin subong sang ginpaathag sa sini nga parapo.