Kon Ano ang Isiling Tuhoy sa mga Magasin

Ang Lalantawan Sept. 15

“Ang mga tawo sa bug-os nga kalibutan nakabati na tuhoy kay Jesucristo. Ang iban nagasiling nga ordinaryo lamang sia nga tawo. Ang iban nagasimba sa iya subong Dios nga Labing Gamhanan. Sa banta mo, sin-o gid bala si Jesucristo? [Tuguti sia nga makasabat.] Ini nga magasin sibu nga nagapaathag kon sin-o gid sia, kon diin sia naghalin, kag kon diin na sia karon.” Basaha ang Juan 17:3.

Awake! Sept. 22

“Madamo nga tawo ang wala sing maayo nga ilistaran. Sa banta mo maabot ayhan ang adlaw nga makatigayon ang tanan sing kaugalingon nga balay? [Tuguti sia nga makasabat.] Ginasaysay sining Awake! ang bag-o nga report tuhoy sa ilistaran. Ginapakita man sini kon ngaa makasalig kita nga matuman ini nga saad sang Dios.” Basaha ang Isaias 65:21, 22.

Ang Lalantawan Okt. 1

Basaha ang pamangkot sa panghapin. Nian mamangkot: “Nahibaluan mo bala kon ano ang ginapatuhuyan sini nga tanda? [Tuguti sia nga makasabat. Nian basaha ang Mateo 24:3.] Ginabinagbinag sini nga gua sang Ang Lalantawan ang lima ka panguna nga tanda kag ginapaathag sini kon ngaa dapat naton ini hibaluon.” Ipakita ang kahon sa pahina 6.

Magmata! Okt. 8

“Ang di-nagakaigo nga paggamit sang alkohol ginatunaan sang madamo gid nga problema. Ginapakita sini nga magasin ang epekto sang alkohol sa aton lawas. [Ipakita ang laragway sa pahina 7.] Ginabinagbinag sini nga artikulo kon paano malandas ang di-nagakaigo nga paggamit sang alkohol kag kon paano makabulig ang iban.”