Kon Ano ang Isiling Tuhoy sa mga Magasin

Ang Lalantawan Mar. 1

“Adlaw-adlaw mabatian naton nga may mga nagaantos, nagabalatian, kag nagakapatay. Sa banta mo maluwas ayhan kita sa sini? [Tuguti sia nga makasabat.] Ini nga teksto sa Biblia nagahatag sing paglaum sa minilyon ka tawo. [Basaha ang Juan 3:16.] ‘Kon Paano ang Kamatayon ni Jesus Makaluwas sa Imo’ amo ang topiko sini nga magasin.”

Magmata! Mar.

“Sa banta mo makahalalit bala ang disparatis? [Tuguti sia nga makasabat.] Makawiwili ang ginasiling sang Biblia tuhoy sini. [Basaha ang Isaias 65:11.] Ginabinagbinag sini nga artikulo kon bala ang disparatis nagahisanto sa panudlo sang Biblia.” Ipakita ang artikulo sa pahina 10.

Ang Lalantawan Abr. 1

“Luyag mo bala makita nga matuman ini nga saad? [Basaha ang Isaias 2:4. Tuguti sia nga makasabat.] Talupangda nga magapasilabot ang Dios sa mga hilikuton sang tawo kag ‘magahusay’ sang mga butang. Ginapakita sang Biblia nga sa inaway sang Dios nga ginatawag Armagedon, tapuson niya ang tanan nga inaway. Ginapaathag sini nga magasin kon ano ang Armagedon kag kon ngaa dapat naton ini kalangkagan.”

Magmata! Abr.

“Sa banta mo nagakabuhi bala kita sa panahon nga ginalaragway diri? [Basaha ang 2 Timoteo 3:1-4. Tuguti sia nga makasabat.] May rason gid kita nga mangin interesado sa katapusan nga mga adlaw bangod ginapakita sini nga magaluntad ang maayo nga kahimtangan sa duta. Ginapaathag ina sa sini nga magasin.”