Kon Ano ang Isiling Tuhoy sa mga Magasin

Ang Lalantawan Dis. 15

“Sa tion sang Paskua, madamo ang nagatinguha nga mapakita ang kaayo kag kaluoy. Sa banta mo, mangin mas maayo ayhan ang kalibutan kon mangin maluluy-on ang mga tawo sa bug-os nga tuig? [Tuguti sia nga makasabat. Nian basaha ang 1 Pedro 3:8.] Ginapaathag sini nga magasin ang kapuslanan sang kaluoy kag ginasugid man sini ang pila ka praktikal nga pamaagi sa pagpakita sini.”

Magmata! Dis.

“Sa banta mo mabuhi pa ayhan liwat ang aton mga napatay nga hinigugma? [Tuguti sia nga makasabat.] Nagasiling ang Biblia nga may pagluwas gikan sa kamatayon. [Basaha ang Salmo 68:20.] Ginapakita sini nga magasin kon ngaa indi naton dapat kahadlukan ang kamatayon subong permanente nga katapusan sang kabuhi.”

Ang Lalantawan Ene. 1

“Madamo nga tawo ang nagapangamuyo nga magkari ang Ginharian sang Dios. Halimbawa, talupangda ining bantog nga pangamuyo nga gintudlo ni Jesus sa iya mga sumulunod. [Basaha ang Mateo 6:9, 10.] Napamensaran mo na bala kon ano ang Ginharian kag kon san-o ini maabot. [Tuguti sia nga makasabat.] Ginasugid sini nga magasin kon ano ang ginasiling sang Biblia tuhoy sa sini.”

Magmata! Ene.

“Sa bug-os nga maragtas, ginaihig-ihig kag ginapintasan ang mga babayi. Sa banta mo, ngaa nagakatabo ini? [Tuguti sia nga makasabat.] Talupangda kon ano ang ginsugo sang Biblia sa mga bana kon paano nila dapat tratahon ang ila mga asawa. [Basaha ang 1 Pedro 3:7.] Ginapakita sini nga magasin pasad sa Biblia kon ano ang pagtamod sang Dios kag ni Cristo sa mga babayi.”