“Magkari ang Imo Ginharian”—Pangamuyo nga Ginasulitsulit sang Minilyon ka Tawo
Napangamuyo mo na bala nga magkari ang Ginharian sang Dios? Ginatos ka tuig na nga ginasulitsulit sang mga tawo ang mga tinaga nga “Magkari ang imo ginharian” sa ila pangamuyo. Ngaa? Bangod ginsugo ni Jesus ang iya mga sumulunod nga ipangamuyo ang Ginharian sang Dios.
Sang primero, wala naintiendihan sang mga sumulunod ni Jesus ang tanan niya nga ginsiling parte sa Ginharian. Isa ka bes, namangkot sila: “Ginuo, ipasag-uli mo bala ang ginharian sa Israel sa sini nga tion?” Mahimo natingala sila sang wala sila ginhatagan ni Jesus sang direkta nga sabat. (Binuhatan 1:6, 7) Buot bala silingon nga indi na naton mahibaluan kon ano ang Ginharian sang Dios kag kon san-o ini magkari? Indi man!
Ini nga isyu sang Ang Lalantawan magabulig sa imo nga mahibaluan ang sabat sa mga pamangkot pareho sang:
Ngaa kinahanglan naton ang Ginharian sang Dios?
Sin-o ang Hari sang Ginharian sang Dios?
San-o magagahom sa duta ang Ginharian sang Dios?
Ano ang himuon sang Ginharian sang Dios?
Ngaa dapat naton suportahan ang Ginharian sang Dios subong?
Ano ang Ginharian sang Dios?