Kon Ano ang Isiling Tuhoy sa mga Magasin

Ang Lalantawan Marso 1

Basaha ang Exodo 20:15. Nian magsiling: “Samtang madamo ang nagatinguha sa pagsunod sini nga sugo, ang iban nagapati nga indi sala ang pagpangawat kag iban pa nga pagkadibunayag sa pila ka kahimtangan. Ano sa banta mo? [Tuguti sia sa pagsabat.] Ginabinagbinag sini nga artikulo ang mga kaayuhan sang pagkabunayag.” Ipakita ang artikulo sa pahina 12.

Magmata! Marso

“Madamo ang nagapati sa Biblia, pero nagahunahuna sila nga ang kalabanan nga kaundan sini indi na mapuslanon sa aton karon. Ano sa banta mo? [Tuguti sia sa pagsabat. Nian basaha ang Roma 15:4.] Ginapaathag sini nga artikulo kon ngaa mapuslanon gihapon karon ang Daan nga Testamento sa Biblia.” Ipakita ang artikulo sa pahina 28.

Ang Lalantawan Abril 1

“Kon pamangkuton ang mga tawo kon sin-o ang pinakaimpluwensiado nga tawo sa kasaysayan, ang sabat sang madamo amo si Jesus. Amo man bala ang imo sabat? [Tuguti sia sa pagsabat.] Talupangda kon ngaa dapat naton usisaon ang magkatuhay nga opinyon parte sa iya agod matun-an ang kamatuoran. [Basaha ang Juan 17:3.] Ginapakita sining pinasahi nga gua sang Ang Lalantawan kon ano gid ang ginasiling sang Biblia parte kay Jesus kag sa iya mga panudlo.”

Magmata! Abril

“Daw kulang gid ang aton tion agod mahimo ang mga luyag naton himuon. Ano sa banta mo? [Tuguti sia sa pagsabat.] Nasapwan sang madamo nga mapuslanon ini nga laygay. [Basaha ang Filipos 1:10.] Ini nga magasin nagahatag sing pila ka praktikal nga panugda nga makabulig agod magamit naton sing maayo ang aton tion.”