Kon Ano ang Isiling Tuhoy sa mga Magasin

Ang Lalantawan Hunyo 1

“Madamo nga mga tawo ang nagakonsulta sa ila horoscope antes maghimo sing mga desisyon. Sa banta mo, may impluwensia bala ang mga bituon sa aton kabuhi? [Tuguti sia sa pagsabat.] Makawiwili nga ginpatuhuyan sang Biblia ang mga kasuldadusan sang langit ukon konstelasyon sang mga bituon. [Basaha ang 2 Hari 23:5.] Ginapaathag sini nga artikulo ang pagtamod sang Biblia parte sini.” Ipakita ang artikulo sa pahina 18.

Magmata! Hunyo

“Masami nga ginapabayaran sang simbahan ang mga bunyag, kasal, kag mga lubong. Sa banta mo, husto ayhan ina? [Tuguti sia sa pagsabat.] Talupangda ang instruksion nga ginhatag ni Jesus sa iya mga disipulo. [Basaha ang Mateo 10:7, 8b.] Ginapakita sini nga artikulo ang ginasiling sang Biblia parte sa pagpabayad sa relihioso nga mga serbisyo.” Ipakita ang artikulo sa pahina 22.

Ang Lalantawan Hulyo 1

“Madamo nga tawo ang nagahingalan sa Labing Gamhanan subong Dios lamang. Pero, nahibaluan mo bala nga ginasugid sa aton sang Biblia ang ngalan sang Dios? [Tuguti sia sa pagsabat. Nian basaha ang Isaias 42:8a, NW.] Ginapaathag sini nga magasin kon ngaa gindula ang ngalan sang Dios sa pila ka badbad sang Biblia kag kon ano ang kahulugan sang pagkilala sa ngalan sang Dios.”

Magmata! Hulyo

“Nagakabalaka gid kita bangod sang nagakatabo sa ekonomiya subong. Ang mga wala sing trabaho nagaka-stress, kag ang mga may trabaho nagakabalaka nga basi pahalinon sila sa ila trabaho. Sa banta mo, makabulig ayhan ini nga laygay para malandas naton ini nga problema? [Basaha ang Mateo 6:34. Nian tuguti sia sa pagsabat.] May praktikal nga mga panugda ini nga magasin kon paano mabadyet ang aton kinitaan kag makontrol ang aton emosyon.”