Kon Ano ang Isiling Tuhoy sa mga Magasin

Ang Lalantawan Oktubre 1

“Madamo ang nagapalibog kon bala ginasapak man sang Dios ang aton mga kabalaka kag kasubo. Ano sa banta mo? [Tuguti sia sa pagsabat. Nian basaha ang Salmo 34:18.] Ginabinagbinag sang artikulo sa pahina 19 kon paano kita ginabuligan sang Dios nga mabatuan ang pagkanegatibo subong sang pagbatyag nga wala sing pulos, kasubo, kag ginakonsiensia.”

Magmata! Oktubre

“Ginatamod sang pila ang Dios nga isa lang ka puersa. Ginakabig naman sia sang iban subong persona nga may mga balatyagon. Ano sa banta mo? [Tuguti sia sa pagsabat.] Talupangda ining makawiwili nga pinamulong. [Basaha ang 1 Pedro 5:6, 7.] Ang artikulo sa pahina 29 magasabat pasad sa Biblia sang pamangkot nga, Matuod bala nga persona ang Dios?”

Ang Lalantawan Nobiembre 1

“Gusto naton tanan nga mangin kontento kag mangin malipayon. Sa banta mo, kinahanglan bala naton ang kuarta para mangin kontento? [Tuguti sia sa pagsabat.] Natun-an sang isa ka manunulat sang Biblia kon paano mangin kontento kon ginakulang. [Basaha ang Filipos 4:11, 12.] Ginasugid sini nga magasin ang lima ka sekreto kon paano mangin kontento suno sa Biblia.”

Magmata! Nobiembre

“Ginapatuhuyan sang pila ka ateista ang malain nga mga nahimo sa ngalan sang Dios kag nagapati sila nga mangin mas maayo ang kalibutan kon wala sing relihion. Ano sa banta mo? [Tuguti sia sa pagsabat.] Yari ang isa ka rason kon ngaa ang butig nga relihion ang balasulon sang pag-antos. [Basaha ang 2 Timoteo 4:3, 4.] Ginapakita sini nga magasin nga sayop ang pangatarungan sang mga ateista.”