Kon Ano ang Isiling Tuhoy sa mga Magasin

Ang Lalantawan Marso 1

“Lainlain ang pagpati sang mga tawo parte kay Jesus. Para sa imo, anak bala sia sang Dios ukon isa lang ka maayo nga tawo?” Tuguti sia sa pagsabat. Dayon basaha ang isa sa mga pamangkot kag sabat sa pahina 16-17 kag isa sa ginsambit nga mga teksto. Itanyag ang magasin, kag hambala sia nga mabalik ka para binagbinagon ang masunod nga pamangkot.

Magmata! Marso

Kon isa ka pamatan-on ang imo maistorya, ipakita ang artikulo sa pahina 26. Itudlo ang una nga subtitulo kag mamangkot, “Sa banta mo, husto bala ang ginasiling diri ukon sala? [Tuguti sia sa pagsabat. Dayon basaha ang 2 Corinto 7:1.] Ginapaathag sini kon ano ang dapat mo mahibaluan parte sa pagpanigarilyo kag kon paano ini mauntat.”

Ang Lalantawan Abril 1

“Lainlain ang pagpati sang mga tawo parte kay Jesus. Sa banta mo, importante gid bala nga mabal-an naton ang kamatuoran parte sa iya? [Tuguti sia sa pagsabat. Dayon basaha ang Juan 17:3.] Ginapaathag sini nga magasin ang ginasiling sang Biblia parte kay Jesus—kon diin sia naghalin, paano sia nagkabuhi, kag ngaa napatay sia.”

Magmata! Abril

“Indi bala nga ang kamatayon sang isa ka pinalangga amo ang isa sa pinakamasakit nga hitabo sa kabuhi sang tawo? [Tuguti sia sa pagsabat.] Madamo ang nabuligan sini nga laygay. [Basaha ang Salmo 55:22.] Ginabinagbinag sini nga magasin ang pila ka paagi para mabatuan ang kasubo, kag kon paano itugyan sa Dios ang aton mga problema.”