Ano ang Hitsura Sini?

Amo ini ang maayo nga ipamangkot kon nagatanyag kita sing bisan ano nga literatura. Kon ang aton ginatanyag nagapililo ang punta, pug-is, mahigko, ukon gision, nagatuga ini sing malain nga impresyon sa aton organisasyon kag makaupang sa pagpaalinton sa tagbalay sang matahom kag nagaluwas kabuhi nga mensahe sang aton literatura.

Paano naton mahuptan nga mahipid ang aton mga literatura? Nakabulig sa iban ang pag-areglar sang ila bag kag pag-grupo sang mga unod sini. Halimbawa, may seksion sila para sa mga libro, magasin kag brosyur, mga tract, kag sa iban pa. Kon ibalik na nila sa ila bag ang ila Biblia kag mga literatura, ginahalungan gid nila nga indi ini maukot. Ang iban naman nga manugbantala nagagamit sing folder ukon bulutangan nga plastik. Ano man nga paagi ang aton gamiton, indi naton luyag nga makakita sing sayop ang iban sa aton ministeryo paagi sa pagtanyag sa ila sing indi presentable nga literatura.—2 Cor. 6:3.