“Batunon Ko Ina Kon Batunon Mo Man Ini”

Amo ini ang ginahambal sang pila ka tagbalay. Bangod wala naton ginabaylo ang aton pasad sa Biblia nga mga literatura sa mga literatura sang iban nga relihion nga nagapalapnag sing kabutigan, paano kita makasabat sing mataktikanhon? (Roma 1:25) Mahimo kita magsiling: “Salamat sa imo ginatanyag. Ano ang ginasiling sini parte sa solusyon sa mga problema sang katawhan? [Tuguti sia nga magsabat. Kon pangabayon ka niya nga basahon ang literatura agod mahibaluan ang sabat, mahimo mo isiling sa iya nga ginsaysay mo anay ang kaundan sang aton literatura antes mo ini gintanyag. Nian basaha ukon kutlua ang Mateo 6:9, 10.] Nagsiling si Jesus nga tumanon sang Ginharian sang Dios ang kabubut-on sang Dios sa duta. Gani, ginabasa ko lamang ang mga literatura nga nagapadaku sini nga Ginharian. Puede ko bala ipakita sa imo sa Biblia kon ano ang himuon sang Ginharian sang Dios?”