Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Nobiembre

“Sa banta mo mas malipayon bala ang mga tawo nga nagatuman sa Dios? [Tuguti sia nga magsabat.] Ginabinagbinag ini sa sini nga artikulo.” Dayon idaho sa iya ang Nobiembre 1 nga Lalantawan kag basaha kag binagbinaga ninyo ang mga parapo sa idalom sang isa sa mga pamangkot sa pahina 16-17. Basaha ang isa ukon kapin pa sa ginsambit nga mga teksto. Itanyag ang mga magasin kag maghimo sing kahimusan nga magbalik para binagbinagon ang iban nga pamangkot.

Ang Lalantawan Nobiembre 1

“Ang iban nagasiling nga ang pagtamod sang Biblia sa sex dinumaan na kag tuman ka estrikto. May iban naman nga nagaugyon sa Biblia. Ano ang opinyon mo? [Tuguti sia nga magsabat.] Talupangda kon ano ang ginasiling sini parte sa ginhalinan sang mga talaksan sa Biblia. [Basaha ang 2 Timoteo 3:16.] Ginapakita sini nga magasin ang sabat sang Biblia sa napulo ka butang nga pirme ginapamangkot tuhoy sa sex. Ginapaathag man sini kon paano kita makabenepisyo sa mga talaksan sang Biblia.”

Magmata! Nobiembre

“Kon usisaon mo sing maayo ang mga butang sa aton palibot, ano ang masiling mo—may ara bala Manunuga ukon natabuan lang ini? [Tuguti sia nga magsabat.] Amo ini ang ginsiling sang isa ka manunulat sang Biblia sang gin-usisa niya ang mga butang sa iya palibot. [Basaha ang Roma 1:20] Ginapaathag sini nga magasin ang mga nadiskobrehan sang mga sientipiko parte sa selula sang tawo nga nagahatag sing dugang nga paathag sa sini nga isyu.”