Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Nobiembre

“Gusto gid sang kalabanan sa aton ang maayo nga paggobierno. Sa banta mo, ano ayhan nga paggobierno ang makasolbar sa mga problema sang mga tawo? [Tuguti sia nga magsabat.] Talupangda ang ginasiling sini.” Ihatag sa tagbalay ang Nobiembre 1 nga Lalantawan, kag binagbinaga ninyo ang una nga subtitulo sa pahina 16 kag ang isa ukon kapin pa sa mga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Nobiembre 1

“Gusto ko mahibaluan ang imo opinyon. Kon tagaan ka sing kahigayunan nga pamangkuton ang Dios, ano ang imo ipamangkot? [Tuguti sia nga magsabat.] Siling ni Jesus nagakaigo lamang nga pangitaon naton ang sabat sa aton mga pamangkot. [Basaha ang Mateo 7:7.] Mabasa sa sini nga magasin ang sabat sang Biblia sa sining tatlo ka importante nga pamangkot.” Ipakita sa tagbalay ang mga pamangkot sa ubos sang pahina 3.

Magmata! Nobiembre

“Nagabisita kami subong sa pagbulig sa mga pamilya. Madamo na gid ang nagasolo nga ginikanan subong. Sa banta mo mas madamo bala sila sing problema sangsa mga pamilya nga kompleto ang ginikanan? [Tuguti sia nga magsabat.] Nakabulig sa madamo nga ginikanan ang praktikal nga mga laygay sa Biblia. [Basaha ang 2 Timoteo 3:16.] Ini nga magasin may pila ka panugda para magmadinalag-on ang nagasolo nga mga ginikanan bisan pa sa ila mabudlay nga kahimtangan.”