Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Hulyo

“Sining karon lang, madamo ang nangin interesado sa mga anghel. Sa banta mo matuod ang mga anghel? [Tuguti sia nga magsabat.] Talupangda ang ginasiling sini.” Nian ihatag sa tagbalay ang Hulyo 1 nga Lalantawan, kag binagbinaga ninyo ang una nga subtitulo sa pahina 16 kag ang isa ukon kapin pa sa mga teksto. Itanyag ang mga magasin, kag maghimo sing kahimusan sa pagbalik para binagbinagon ang masunod nga pamangkot.

Ang Lalantawan Hulyo 1

Basaha ang Salmo 65:2. Dayon magsiling: “Madamo ang nagapangamuyo kada adlaw kay nagaugyon sila nga ang Dios ‘manugpamati sang pangamuyo.’ Pero madamo ang nagapamangkot, ‘Kon may Dios, ngaa madamo sang problema?’ Ano sa banta mo? May Dios bala nga nagapamati sang aton mga pangamuyo? [Tuguti sia nga magsabat.] Ginabinagbinag sini nga magasin ang sabat sang Biblia sa sini nga pamangkot: ‘Ngaa ginatugutan sang Manugpamati sang pangamuyo ang pag-antos?’”

Magmata! Hulyo

“Kon may gahom ka nga bag-uhon ang aton kalibutan, ano ang himuon mo? [Tuguti sia nga magsabat.] Ginapakita sang Biblia kon ngaa limitado ang mahimo sang mga tawo. [Basaha ang Jeremias 10:23.] Ginapaathag sini nga magasin kon ano ang himuon sang Dios nga pagbag-o.”