Jehovah’s Witnesses—Faith in Action, Part 2: Let the Light Shine
Sa tapos makagua sa prisuhan sanday Utod Rutherford kag ang iya mga kaupdanan sang 1919, may daku nga hilikuton nga nagahulat sa mga Estudyante sang Biblia. Subong sang makita sa video nga Jehovah’s Witnesses—Faith in Action, Part 2: Let the Light Shine, madamo ang magapamatok sa mga Estudyante sang Biblia, magauswag ang ila paghangop sa Kasulatan, kag magalig-on pa gid ang ila pagtuo. (Hulu. 4:18; Mal. 3:1-3; Juan 15:20) Pagkatapos mo nga matan-aw ang video, sabta ini nga mga pamangkot.
(1) Ano nga pamaagi ang gingamit sang mga Estudyante sang Biblia agod ibantala ang maayong balita? (2) Ano gin-anunsio sa kombension sang 1931 kag 1935? (3) Anong importante nga impormasyon ang ginbinagbinag sa Nobiembre 1, 1939 nga The Watchtower? (4) Isaysay kon ano ang natabo sa Madison Square Garden sang nagpamulongpulong si Utod Rutherford sang tema nga “Government and Peace.” (5) Ano ang talalupangdon sa pamulongpulong ni Utod Knorr nga “Peace—Can It Last?” (6) Sang 1942, ano nga mga plano ang ginhimo sang mga Saksi ni Jehova agod mapalapnag ang pagbantala nga hilikuton? (7) Ipaathag ang mga pagpakigbato sa korte sang mga Saksi sa Estados Unidos, Canada, kag Gresya. (8) Ano ang nabulig sang Gilead sa pag-uswag sang pagbantala? (9) Anong importante nga hilikuton ang nagsugod sang 1946, kag ngaa? (10) Ano nga mga tikang ang ginhimo sang mga Saksi ni Jehova agod mapahisanto ang ila kabuhi sa mga talaksan sa Biblia? (11) Ipaathag ang pila ka pagbag-o nga ginhimo sang 1970 agod mapat-od nga ginasunod sang organisasyon ang mga prinsipio sa Biblia? (12) Paano nakabulig sa imo ini nga video nga mapamatud-an nga ini nga organisasyon iya ni Jehova kag sia ang nagakontrol sini? (13) Paano napabakod sini nga video ang imo determinasyon nga mangin makugi sa pagbantala bisan pa may mga kabudlayan? (14) Paano naton magamit ini nga video agod mabuligan ang aton mga paryente, ginatun-an sa Biblia, kag iban pa?
Samtang nagaligad ang mga adlaw, nagadugang man ang kasaysayan sang mga Saksi ni Jehova. Ano ang masiling sang mga rekord parte sa aton pagpaninguha sa ministeryo? Pareho sa aton mga kauturan sang una, kabay nga padayon kita nga mangin makugi sa ‘pagpasilak sang kapawa’!—2 Cor. 4:6.