Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Abril

“Ang bawtismo kinaandan nga ginahimo sang mga Cristiano. Sa banta mo importante gid bala ang bawtismo? [Tuguti sia nga magsabat.] Ini nga artikulo may pila ka punto nga makapainteres sa imo.” Ihatag sa tagbalay ang Abril 1 nga Lalantawan, kag binagbinaga upod sa iya ang topiko sa una nga subtitulo sa pahina 16 kag ang isa ukon kapin pa sa mga teksto. Itanyag ang mga magasin, kag maghimo sing kahimusan sa pagbalik para binagbinagon ang masunod nga pamangkot.

Ang Lalantawan Abril 1

“Madamo sing opinyon ang mga tawo tuhoy kay Jesus. May pila nga nagapati nga sia amo ang Mesias. Sa banta naman sang iban isa lang sia ka maayo nga tawo. May nagapati pa gani nga himuhimo lang sia. Ano naman ang imo opinyon? [Tuguti sia nga magsabat.] Suno sa Biblia, importante gid nga mahibaluan naton ang kamatuoran tuhoy sa iya. [Basaha ang Juan 17:3.] Ginapakita sini nga magasin ang sabat sang Biblia sa pila ka kinaandan nga pamangkot tuhoy kay Jesus.”

Magmata! Abril

“Yari kami diri agod mabuligan ang mga pamilya. Ugyon ka bala nga ang mga pamilya subong nagaatubang sang madamo nga kabudlayan? [Tuguti sia nga magsabat.] Talupangda kon diin nakakita sing praktikal nga laygay ang mga pamilya. [Basaha ang Salmo 119:105.] Ginabinagbinag sini nga magasin kon paano nangin madinalag-on ang mga ikaduha nga pamilya sa pag-atubang sang mga kabudlayan paagi sa pagsunod sa mga prinsipio nga makita sa Biblia.”