Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Agosto

“Ang mga tawo may lainlain nga relihion kag may lainlain nga paagi sa pagsimba sa Dios. Sa banta mo, ano ang ginabatyag sang Dios tuhoy sa sini? [Tuguti sia nga magsabat.] Talupangda kon ano ang gintudlo ni Jesus parte sa sini nga topiko.” Itanyag sa tagbalay ang Agosto 1 nga Lalantawan kag binagbinaga ninyo ang una nga parapo sa idalom sang una nga subtitulo sa pahina 16 kag ang isa ukon kapin pa sa ginsambit nga mga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Agosto 1

“Dapat bala tudluan ang mga bata parte sa Dios samtang bata pa sila, ukon mas maayo nga hulaton anay nga magdaku sila kag papilion sang ila kaugalingon nga mga pagpati? [Tuguti sia nga magsabat.] Talupangda ang ginasugo sang Biblia sa mga amay. [Basaha ang Efeso 6:4.] Ini nga magasin nagahatag sing panugda kon paano tudluan sang mga ginikanan ang ila kabataan parte sa Dios.”

Magmata! Agosto

“Gusto ko mabal-an ang imo opinyon sa sini nga teksto. [Basaha ang 1 Samuel 16:23.] Suno diri, ang musika may daku nga epekto. Sa banta mo, posible ayhan nga ang pila ka musika may malain nga impluwensia? [Tuguti sia nga magsabat.] Ginabinagbinag sini nga magasin kon paano kita makapili sing maayo nga musika kag kon paano man naton mabuligan sa pagpili ang aton kabataan.”