Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Agosto

“Halos tanan nga tawo nagapangamuyo. Bisan ang mga atiesta nagapangamuyo sa tion sang katalagman. Sa banta mo ginapamatian bala sang Dios ang tanan nga pangamuyo?” Tuguti sia nga magsabat. Ipakita ang likod sang Agosto 1 nga Lalantawan, kag binagbinaga ninyo ang una nga pamangkot kag bisan ang isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Patalupangod: Ini nga presentasyon dapat ipasundayag sa miting para sa pag-alagad sa latagon sa Agosto 3.

Ang Lalantawan Agosto 1

“Nagabisita kami sing makadali bangod madamo ang nabalaka sa paglapnag sang pornograpiya. Pero para sa iban, indi man malain ang pornograpiya kundi isa lang ini ka kalingawan. Ano sa banta mo? [Tuguti sia nga magsabat.] Si Jesus nagsiling nga mahibaluan naton kon maayo ang isa ka butang paagi sa bunga sini. [Basaha ang Mateo 7:17.] Ini nga magasin nagabinagbinag sa mga bunga sang pornograpiya. Nagahatag man ini sing praktikal nga mga bulig kon paano mauntatan ang pagkaadik sa pornograpiya.”

Magmata! Agosto

“Kalabanan sa aton luyag gid mabuhi sing malawig. Sa banta mo posible ayhan ang kabuhi nga walay katapusan paagi sa pag-uswag sang siensia? [Tuguti sia nga magsabat.] Talupangda ining makalilipay nga promisa. [Basaha ang 1 Corinto 15:26.] Pero paano ini himuon sang Dios? Paagi ayhan sa siensia? Kag ngaa nagatigulang kita kag nagakapatay? Ginapakita sini nga magasin ang sabat sang Biblia.”