Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Oktubre

“Nagaduaw kami subong sing makadali diri sa inyo lugar. Madamo sa amon naistorya ang nagsiling nga ang isa sa pinakamasakit nga hitabo sa ila kabuhi amo ang pagkapatay sang ila hinigugma. Amo man bala sina ang imo nabatyagan? [Tuguti sia nga magsabat.] Nagpalig-on sa akon ini nga magasin.” Ipakita ang likod sang Oktubre 1 nga Lalantawan, kag binagbinaga ninyo ang una nga pamangkot kag bisan ang isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Oktubre 1

“Nagaduaw kami sing makadali para palig-unon ang mga tawo nga magbasa sing Biblia. Nahibaluan namon nga ang iban interesado sa Biblia, pero may ara man nga indi. Ikaw, interesado ka man bala sa Biblia? [Tuguti sia nga magsabat.] Amo gid sini ang ginasiling sang Biblia. [Basaha ang 1 Tesalonica 2:13.] Kon matuod gid nga ang Biblia halin sa Dios, sigurado nga magaugyon ka nga dapat gid ini basahon. Ginapaathag sini nga magasin kon ano gid ang Biblia kag kon ngaa dapat kita mangin interesado sa sini.”

Magmata! Oktubre

“Gusto ko mahibaluan ang imo opinyon sa sini nga pamangkot: Puede bala kita mangin kontento bisan pa wala kita sing madamo nga kuarta? [Tuguti sia nga magsabat.] Talupangda ang ginasiling sang Biblia. [Basaha ang 1 Timoteo 6:8.] Ginapakita sini nga magasin ang balanse nga pagtamod sa materyal nga pagkabutang kag ginabinagbinag sini ang tatlo ka importante nga butang nga indi mabakal sang kuarta.”