Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Oktubre

“Sa sining mabudlay nga tion, madamo nga problema ang ginaatubang sang mga pamilya. Sa banta mo, sa diin ayhan masapwan ang masaligan nga panuytoy nga makabulig para mangin malipayon ang pamilya?” Tuguti sia nga magsabat. Dayon idaho sa tagbalay ang Oktubre 1 nga Lalantawan, kag binagbinaga ninyo ang una nga parapo sa idalom sang una nga subtitulo sa pahina 16 kag 17 kag ang isa sa ginsambit nga mga teksto. Itanyag ang mga magasin kag maghimo sing kahimusan nga magbalik agod binagbinagon ang iban pa nga pamangkot.

Ang Lalantawan Oktubre 1

Ipakita ang panghapin sang magasin, dayon mamangkot, “Ano ang batyagon mo kon mahibaluan mo nga kabutigan gali ang gintudlo sa imo parte sa Dios? [Tuguti sia nga magsabat.] Talupangda ang ginsiling ni Jesus kon paano naton mahibaluan ang kamatuoran gikan sa kabutigan. [Basaha ang Juan 17:17.] Gani ang Biblia lamang ang nagasugid sang kamatuoran parte sa Dios. Ini nga magasin nagabinagbinag sang lima ka kabutigan parte sa Dios nga ginabuyagyag sang Biblia.”

Magmata! Oktubre

“Nagahatag kami sing serbisyo publiko sa mga pamilya. Sa banta mo, ano ang pinakadaku nga hangkat sa pagpadaku sa kabataan nga ginaatubang subong sang mga ginikanan? [Tuguti sia nga magsabat.] Madamo nga ginikanan ang nagasalig sa laygay sang Biblia. Halimbawa, ini nga teksto makabulig kon paano dapat disiplinahon ang mga kabataan. [Basaha ang Efeso 4:31.] Ini nga magasin nagapakita kon paano ang laygay sang Biblia makabulig sa mga ginikanan sa pagpadaku sa ila kabataan halin sa pagkalapsag tubtob sa pagkatin-edyer.”