Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Oktubre

“Nagaduaw kami sing makadali sa amon mga kaingod para istoryahan ang parte sa maayo nga gobierno. Sa banta mo may gobierno ayhan nga makasarang sa pagdula sang mabudlay nga mga problema, pareho sang kasingki kag inhustisya?” Tuguti sia nga magsabat. Pahanumduma ang tagbalay nga sa Pangamuyo sang Ginuo, gintudluan ni Jesus ang iya mga sumulunod nga ipangamuyo nga magkari ina nga gobierno, ang Ginharian sang Dios. Ipakita sa iya ang likod sang Oktubre 1 nga Lalantawan, kag binagbinaga ninyo ang una nga pamangkot kag bisan ang isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Oktubre 1

“Nagapakig-istorya kami sing makadali sa amon mga kaingod parte sa isa ka pamilyar nga pangamuyo nga gintudlo ni Jesus sa iya mga sumulunod. [Basaha ang Mateo 6:9, 10.] May nagpaathag na bala sa imo kon ano ang Ginharian sang Dios kag kon ngaa ginpadaku gid ini ni Jesus sa iya panudlo? [Tuguti sia nga magsabat.] Ginapakita sini nga magasin kon ano ang ginasiling sang Biblia parte sa Ginharian sang Dios kag ang pila ka dalayawon nga pagpakamaayo nga ihatag sini sa duta.”

Magmata Oktubre

“Nagaduaw kami sing makadali para buligan ang mga tawo nga masabat ini nga pamangkot. [Ipakita ang kober sang magasin.] Sa banta mo dapat bala mangin manggaranon ang isa para masiling nga madinalag-on sia? [Tuguti sia nga magsabat.] Ginapakita sang Biblia ang balanse nga pagtamod sa materyal nga mga butang. [Basaha ang Lucas 12:15.] Suno sa Biblia, ang matuod nga kadalag-an mahimo matigayon sang bisan sin-o. Ini nga magasin magapaathag sina.”