Sampol nga mga Presentasyon

Para sa Pagpanagtag sing Imbitasyon sa Memoryal

“Nagapanagtag kami sing imbitasyon para sa importante gid nga okasyon. Sa Abril 14, minilyon sa bilog nga kalibutan ang magatipon para saulugon ang kamatayon ni Jesucristo kag pamatian ang libre nga pamulongpulong sa Biblia kon paano kita makabenepisyo sa iya kamatayon. Makita sa sini nga imbitasyon kon diin kag ano oras ini hiwaton sa aton lugar.”

Ang Lalantawan Abril 1

“Nagaduaw kami sing makadali para istoryahan ang isa ka butang nga ginahimo sang kalabanan nga tawo. Halos tanan kita nagapangamuyo, ano man ang aton relihion. Sa banta mo ginasabat gid ayhan sang Dios ang mga pangamuyo, ukon ginapahaganhagan lamang sini ang aton ginabatyag parte sa aton mga problema? [Tuguti sia nga magsabat.] Talupangda ang ginasiling sang Biblia parte sa pangamuyo. [Basaha ang 1 Juan 5:14.] Ini nga magasin nagapaathag kon paano kita mabuligan sang pangamuyo.”

Magmata! Abril

“Ari kami diri agod maghatag sing bulig sa isa ka problema nga nagalapnag subong. May mga tawo nga indi makaagwanta sang ila sitwasyon amo nga nagahunahuna sila nga maghikog. Kon grabe ang ila pag-antos, sa banta mo gusto gid ayhan nila mapatay, ukon luyag lamang nila mauntat ang ila pag-antos? [Tuguti sia nga magsabat.] May promisa ang Biblia nga nakabulig sa madamo para mahuptan ang positibo nga panghunahuna. [Basaha ang Bugna 21:3, 4.] Ini nga magasin nagapadaku sang tatlo ka rason kon ngaa dapat kita mabuhi bisan pa sa aton mga problema.”