Sampol nga mga Presentasyon

Para sa Pagpanagtag sing Imbitasyon sa Memoryal

“Nagapanagtag kami sining imbitasyon para sa importante gid nga okasyon. Sa Abril 3, minilyon sa bilog nga kalibutan ang magatipon para saulugon ang kamatayon ni Jesucristo kag mamati sa pamulongpulong kon paano kita makabenepisyo sa iya kamatayon. Makita sa sini nga imbitasyon ang lugar kag oras kon diin hiwaton ini nga okasyon.”

Ang Lalantawan Marso 1

“Anibersaryo sang kamatayon ni Jesucristo sa Abril 3. Ang pila diri sa aton magatipon sa sini nga petsa agod saulugon ini nga okasyon, pero para sa iban indi importante ang kamatayon ni Jesus. Sa banta mo, makabenepisyo bala kita sa kamatayon kag pagkabanhaw ni Jesus? [Tuguti sia nga magsabat.] Talupangda ang ginasiling sang Biblia parte sini. [Basaha ang 1 Corinto 15:22, 26.] Ginabinagbinag sini nga magasin ang benepisyo sa palaabuton sang halad gawad ni Jesus—ang isa sini amo nga indi na mapatay ang mga tawo sa duta.”

Magmata! Marso

“Nagaduaw kami sing makadali para ihatag ining pinakabag-o nga Magmata! [Ipakita ang kober.] Ang kada isa may lainlain nga opinyon parte sa sini nga pamangkot: ‘May Dios gid bala?’ Para sa imo, sin-o ang may positibo nga pagtamod sa palaabuton—ang mga nagapati sa Dios ukon ang wala? [Tuguti sia nga magsabat.] Ari ang promisa sang Dios nga nagahatag sing paglaum sa madamo nga tawo. [Basaha ang Salmo 37:10, 11.] Ginapakita sini nga magasin ang apat ka ebidensia nga nagaluntad ang Dios.”