Tatapa Gilayon

Sang ginpanami ang aton Web site, nagdamo ang pangabay sa Internet sing pagtuon sa Biblia. Nadugangan pa gid ini sang nagsugod ang bag-o nga paagi sang pagpanaksi sa publiko nga mga duog. Ginatatap gilayon sang sanga talatapan ini nga mga pangabay. Halimbawa, kon ginpaagi ini sa jw.org, sa masami, sa sulod sang duha ka adlaw, makabaton sing pahibalo gikan sa sanga talatapan ang mga gulang sa teritoryo nga ginaistaran sang interesado. Pero ginapakita sang mga report, nga ang pila nga nagpangabay sing pagtuon sa Biblia sinemana na nga wala makadtuan. Paano naton sila mabuligan antes mag-ugdaw ang ila interes?—Mar. 4:14, 15.

Kon ang interesado indi sakop sang inyo teritoryo, pil-api dayon ang Please Follow Up (S-43) nga pormas kag ihatag ini sa inyo sekretaryo sa masunod nga miting. Dayon sa sulod sang isa ukon duha ka adlaw, ipadala ini sang sekretaryo sa nagakaigo nga kongregasyon ukon sa sanga talatapan paagi sa Congregation tab sa jw.org. Dapat regular nga tan-awon sang mga gulang ang Web site. Kon makabaton sila sing pahibalo nga may duluawon nga interesado sa ila teritoryo, dapat tatapon nila ini gilayon. Dapat mangin prioridad ini sang manugbantala nga ginpangabay sa pagduaw sa interesado. Kon wala sa balay ang interesado, mahimo ka magbilin sing impormasyon para makontak ka niya.