Palihug Pakig-anguti Dayon

Sin-o ang pakig-angutan dayon? Yadtong nangabay sang literatura ukon sing regular nga pagdul-ong sing magasin ukon yadtong luyag nga duawon sang Saksi sa ila puluy-an. Diin naghalin ining mga pangabay? Sa mga indibiduwal nga nakig-angot sa sanga talatapan paagi sa sulat ukon sa telepono ukon paagi sa aton opisyal nga Internet Web site. Kon ginapakita ini nga interes, ginapahibalo sang sanga talatapan ang lokal nga kongregasyon paagi sa S-70 nga pormas, nga may tig-ulo nga “Please Arrange for a Qualified Publisher to Call on This Person.” Kon may mabaton ang mga gulang nga S-70 nga pormas, dapat ihatag nila dayon ini sa isa ka manugbantala nga makugi sa pagpalambo sing interes. Kon nabudlayan ang manugbantala nga maabtan sa puluy-an ang tawo, sarang matilawan sang manugbantala nga pakig-angutan sia sa telepono ukon mainandamon nga bilinan sia sing sulat. Kon ikaw ang pangabayon nga himuon ining pagduaw, tinguhai gid nga pakig-angutan dayon ang interesado.