Pagpauswag sang Aton mga Ikasarang sa Ministeryo​—Pagpahamtang sing Sadsaran Para sa Pagduaw Liwat

Kon Ngaa Importante: Kon may masapwan kita nga interesado, luyag naton sia balikan agod mabunyagan naton ang binhi sang kamatuoran nga aton gintanom. (1 Cor. 3:6) Para mahimo ini, antes kita maghalin, dapat kita magpahamtang sing sadsaran para sa pagduaw liwat paagi sa paghibalo kon san-o kita mahimo magbalik. Dugang pa, maayo nga magbilin kita sing pamangkot para binagbinagon sa masunod nga pagduaw. Makabulig ini agod kalangkagan sang tagbalay ang aton pagbalik, kag kon ang sabat sa pamangkot makita sa publikasyon nga ginbilin naton sa iya, mahimo gid nga basahon niya ini. Mas mahapos ang pagduaw liwat kon nakapahamtang kita sing sadsaran para sa masunod nga pag-istoryahanay bangod may topiko na kita nga pagabinagbinagon, kag may ideya na ang tagbalay kon ano ang aton istoryahan. Sa pagduaw liwat, mahimo kita magsiling nga nagbalik kita para sabton ang pamangkot nga ginbilin naton sang nagligad, kag magpadayon.