Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Disiembre

“Ari kami diri bangod nagaduaw kami sa mga pamilya. Luyag sang madamo nga ginikanan nga higugmaon sang ila kabataan ang Dios. Sa banta mo matun-an lang bala sang kabataan nga higugmaon ang Dios ukon dapat sila tudluan sang ila ginikanan?” Tuguti sia nga magsabat. Ipakita ang likod sang Disiembre 1 nga Lalantawan, kag binagbinaga ninyo ang mga parapo sa una nga pamangkot kag bisan isa lang ka teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Disiembre 1

“Nagaduaw kami sing makadali para istoryahan ang parte sa Dios. Lainlain ang pagpati sang kada isa parte sa Dios. Sa banta mo para sa kalabanan, ang Dios bala isa ka gamhanan nga puersa sa kinaugali ukon isa ka abyan nga nagaulikid gid sa ila? [Tuguti sia nga magsabat.] Ini nga bersikulo sa Biblia nagasugid sa aton kon ano ang aton himuon para mangin suod kita sa Dios. [Basaha ang Santiago 4:8a.] Ipaathag sini nga magasin ang tatlo ka butang nga himuon naton agod mangin suod kita sa Dios.”

Magmata! Disiembre

“Nagaduaw kami sing makadali bangod madamo ang nabalaka sa isa ka kinaandan nga balatian. Suno sa World Health Organization, isa sa lima ka tawo ang nakaagi na nga nagbalatian sa hunahuna, pareho sang depresyon. Sa banta mo nagadamo bala subong ang may balatian sa hunahuna? [Tuguti sia nga magsabat.] Ang Biblia nagahatag sa aton sing paglaum nga magaabot ang tion nga wala na sing balatian kag kasakit diri sa duta. [Basaha ang Bugna 21:3, 4.] Ipakita sini nga magasin ang pila ka butang nga dapat naton mahibaluan parte sa balatian sa hunahuna.”