Nagahanda Ka Bala Para sa Memoryal?
Sang Nisan 13, 33 C.E., nahibaluan ni Jesus nga isa na lang ka gab-i nga makaupod niya ang iya suod nga mga sumulunod antes sia mapatay. Saulugon niya ang katapusan nga Paskua upod sa ila kag pagasugdan niya ang bag-o nga selebrasyon, ang Panihapon sang Ginuo. Inang importante nga okasyon nagakinahanglan gid sang paghanda. Gani, ginsugo niya sanday Pedro kag Juan nga maghanda. (Luc. 22:7-13) Kada tuig sugod sadto, nagahanda man ang mga Cristiano para sa pagsaulog sang Memoryal. (Luc. 22:19) Ano ang pila ka butang nga dapat naton ihanda para sa palaabuton nga Memoryal sa Abril 3?
Paghanda sang mga Manugbantala:
Makigbahin sing bug-os sa kampanya sa pagpangagda sa Memoryal.
Ilista ang imo mga ginatun-an sa Biblia, paryente, kaeskwela, kaupod sa trabaho, kag iban pa nga kilala, kag agdaha sila.
Basaha kag pamalandungi ang naiskedyul nga pagbasa sa Biblia sa Memoryal.
Mag-abot sing temprano sa Memoryal para maabiabi ang mga bisita.