Sin-o ang Nagahimo sang Kabubut-on ni Jehova Subong?​—Kon Paano Ini Gamiton

Ang brosyur nga Sin-o ang Nagahimo sang Kabubut-on ni Jehova Subong? gindesinyo para binagbinagon upod sa ginatun-an sa Biblia sa umpisa ukon sa katapusan sang kada pagtuon.a Ang leksion 1 asta 4 nagabulig sa mga estudyante nga mangin pamilyar sa aton bilang katawhan, ang leksion 5 asta 14 nagabulig sa ila nga mahibaluan ang aton mga hilikuton, kag ang leksion 15 asta 28 nagatudlo sa ila kon paano nagapanghikot ang aton organisasyon. Mas maayo nga binagbinagon sing pasunod ang mga leksion luwas lang kon ang isa ka leksion kinahanglan gid binagbinagon sa sina nga tion. Ang kada leksion isa lang ka pahina kag mahimo binagbinagon sa estudyante sa sulod lang sang lima asta napulo ka minuto.

• 

  Ipatalupangod ang tig-ulo nga pamangkot sang leksion

• Basaha ninyo ang leksion, puede ubuson basa ang bilog nga leksion ukon parapo por parapo

• Binagbinaga ang inyo ginbasa. Gamita ang mga pamangkot sa ubos sang pahina kag ang mga piktyur. Basaha kag binagbinaga ang ginsambit nga mga teksto kon nagakaigo. Ipatalupangod nga ang mga subtitulo nga madukot sing letra nagasabat sa tig-ulo nga pamangkot

• Kon may kahon nga “Ang Puede Mo Pa Himuon,” basaha ninyo ini kag palig-una ang imo estudyante nga himuon ang ginapanugda