San-o Naman Ako Makaalagad Bilang Auxiliary Payunir?

Nakita ni Ezequiel sa iya palanan-awon sang templo nga ang katawhan ni Jehova magahalad sing kinabubut-on nga mga dulot. Paano ang kada isa sa aton makahatag sing halad sang pagdayaw?—Heb 13:15, 16.

Ang isa sa pinakamaayo nga paagi amo ang pag-auxiliary payunir. Sa 2018 nga tuig sang pag-alagad, ang pila ka bulan may lima ka Sabado ukon lima ka Domingo. Pabor gid ini sa mga may obra nga makaministeryo lang kon Sabado kag Domingo. Isa pa, ang mga manugbantala makapili kon bala 30 ukon 50 ka oras ang gusto nila lab-uton sa bulan sang Marso kag Abril kag sa bulan sang pagduaw sang manugtatap sang sirkito.

Ano abi kon bangod sa aton sitwasyon indi kita makaauxiliary payunir? Puede gihapon naton mapauswag ang kalidad sang aton ministeryo ukon madugangan ang aton oras sa pag-alagad. Ano man ang aton sitwasyon, kabay nga ang aton gugma kay Jehova magapahulag sa aton nga ihatag ang aton pinakamaayo sa 2018 nga tuig sang pag-alagad!—Os 14:2.

TAN-AWA ANG VIDEO NGA SA BULIG NI JEHOVA, HALOS TANAN NGA BUTANG MAHIMO KO, DAYON SABTI ANG MASUNOD NGA MGA PAMANGKOT:

• Ano ang nagpahulag kay Sabina nga dugangan ang iya mahimo sa pag-alagad kay Jehova?

• Paano ka napalig-on sang halimbawa ni Sabina?

• Sa 2018 nga tuig sang pag-alagad, sa ano nga (mga) bulan nga maka-auxiliary payunir ka?