“Magpadayon Kamo sa Pagbantay”

25:1-12

Ang parabola ni Jesus parte sa napulo ka birhen nagapatuhoy sa iya hinaplas nga mga sumulunod. Pero ang mensahe sini naaplikar man sa tanan nga Cristiano. (w15 3/15 12-16) “Gani, magpadayon kamo sa pagbantay, bangod wala kamo makahibalo sang adlaw ukon sang oras.” (Mat 25:13) Mapaathag mo bala ang parabola ni Jesus?

• Ang nobyo (ber. 1)—Si Jesus

• Ang mainandamon, nakahanda nga mga birhen (ber. 2)—Hinaplas nga mga Cristiano nga handa kag matutom sa pagtuman sang ila asaynment kag nagasiga subong mga suga asta sa katapusan (Fil 2:15)

• Ang singgit: “Yari na ang nobyo!” (ber. 6)—Ebidensia sang presensia ni Jesus

• Ang buangbuang nga mga birhen (ber. 8)—Hinaplas nga mga Cristiano nga naggua para sugataon ang Nobyo pero wala nagpadayon sa pagbantay kag wala naghupot sang ila integridad

• Ang mainandamon nga mga birhen wala nanghatag sing lana (ber. 9)—Kon matapos na ang katapusan nga pagmarka, indi na mabuligan sang mga hinaplas ang bisan sin-o nga nangin indi matutom

• “Nag-abot . . . ang nobyo” (ber. 10)—Si Jesus magaabot agod maghukom sa hingapusan nga bahin sang dakung kapipit-an

• Ang mainandamon nga mga birhen nagsulod sa punsion upod sa nobyo, dayon ginsiraduhan ang puertahan (ber. 10)—Ginatipon ni Jesus sa langit ang iya matutom nga mga hinaplas, pero indi mabaton sang mga indi matutom ang ila langitnon nga padya