Dayawa si Jehova Bilang Payunir

May rason gid ang mga Israelinhon nga dayawon si Jehova. Ginpagua niya sila sa Egipto kag ginluwas sa mga soldado sang Paraon! (Ex 15:1, 2) Padayon nga ginapakitaan ni Jehova sing kaayo ang iya katawhan. Paano naton mapakita ang aton pagpasalamat?—Sa 116:12.

Ang isa ka paagi amo ang pag-auxiliary ukon pagregular payunir. Puede mo ipangamuyo nga hatagan ka sing handum kag kusog nga makapayunir. (Fil 2:13) Madamo ang nag-auxiliary payunir anay. Puede ka magpili sang 30 ukon 50 ka oras nga lab-uton sa bulan sang Marso kag Abril kag sa bulan sang pagduaw sang manugtatap sang sirkito. Kon mabatyagan mo ang kalipay sa pag-auxiliary payunir, mahimo nga tinguhaan mo man nga mag-alagad bilang regular payunir. Bisan ang may regular nga trabaho ukon may problema sa panglawas nakaalagad bilang regular payunir. (mwb16.07 8) Huo, takus gid si Jehova sang aton mga panikasog para dayawon sia!—1Cr 16:25.

TAN-AWA ANG VIDEO NGA TATLO KA MAG-UTOD NGA BABAYI SA MONGOLIA, DAYON SABTI ANG MASUNOD NGA MGA PAMANGKOT:

• 

  Ano nga mga kabudlayan ang nalampuwasan sang tatlo ka mag-utod para makapayunir?

• 

  Ano nga mga pagpakamaayo ang ila nabaton?

• 

  Ano pa nga mga pribilehiyo ang nagbukas sang nag-regular payunir sila?

• 

  Ano ang epekto sang ila halimbawa sa iban?