Pagpauswag sang Aton Ikasarang sa Ministeryo—Pagpanaksi sa Telepono

KON NGAA IMPORTANTE: Ang pagpanaksi sa telepono isa ka importante nga paagi para “magpanaksi sing maid-id sa maayong balita.” (Bin 20:24)a Paagi sini makapanaksi kita kon ang mga kahimtangan wala nagatugot sa aton nga istoryahon sing personal ang mga tawo.

KON PAANO HIMUON:

• 

  Maghanda. Magpili sing nagakaigo nga topiko. Dayon maghimo sing outline sang gusto mo ihambal. Puede man nga maghanda sing malip-ot nga mensahe nga nagapaathag kon ano ang imo katuyuan kay basi answering machine ang makasabat sa imo. Daku ang mabulig kon nagapungko ka kag ara sa lamesa sa atubang mo ang imo outline kag ang iban nga galamiton pareho sang gadyet nga nakabukas ang JW Library^® ukon jw.org^®

• 

  Mag-relax. Mangin natural sa imo pagpakig-istorya. Puede ka man magyuhum kag magkumpas nga daw ara lang sa atubangan mo ang imo ginaistorya. Kon indi kinahanglanon, indi sige dulog. Daku man ang mabulig kon may upod ka. Kon may pamangkot ang tagbalay, sulita sing matunog ang pamangkot sang tagbalay para mabatian sang imo upod kag mabuligan ka niya pangita sang sabat

• 

  Magbilin sang mahambalan para sa sunod nga pag-istoryahanay. Kon interesado sia, puede ka magbilin sing pamangkot para sabton sa sunod mo nga pagtawag. Puede mo man sia pamangkuton kon gusto niya nga sa e-mail ukon personal mo nga ihatag sa iya ang isa ka balasahon. Puede ka man mamangkot kon gusto niya nga sa text ukon sa e-mail mo ipadala ang isa sa aton mga video ukon artikulo. Kag kon nagakaigo, sugiri sia parte sa aton Online Bible Study Lessons ukon sang iban pa nga materyal nga ara sa aton website