Gamita nga Topiko ang mga Balita Subong sa Inyo Ministeryo

Sa iya pagpanudlo, naggamit si Jesus sing mga balita nga nagakatabo sa iya tion. (Lu 13:1-5) Puede mo man magamit ang mga balita subong para mangin interesado ang mga tawo sa mensahe sang Ginharian. Pagkatapos mo masambit ang pagmahal sang mga balaklon, kalamidad, kinagamo, problema sa droga, ukon iban pa, puede ka mamangkot: “Sa banta mo madula pa ayhan ang . . . ?” ukon “Ano sa banta mo ang solusyon sa . . . ?” Dayon, ipabasa ang isa ka bersikulo may kaangtanan sini nga topiko. Kon interesado sia, ipakita ang isa ka video ukon publikasyon sa aton Teaching Toolbox. Samtang ginatinguhaan naton nga malab-ot ang tagipusuon sang mga tawo sa aton teritoryo, kabay nga ‘himuon naton ang tanan tungod sa maayong balita.’—1Co 9:22, 23.

Ano nga mga topiko ang nanamian sang mga tawo sa inyo teritoryo?