Maghimo sing Tulumuron sa Tion sang Memoryal

Kada tuig, excited ang katawhan ni Jehova sa pagsaulog sang Memoryal. Mga semana antes kag pagkatapos sang Memoryal, may kahigayunan kita nga dayawon kag pasalamatan si Jehova sa iya regalo nga gawad. (Efe 1:3, 7) Halimbawa, ginatinguhaan gid naton nga imbitahon ang iban sa Memoryal. Ang pila nagahimo sing mga pagbag-o para maka-auxiliary payunir sa bulan sang Marso ukon Abril nga may 30 ukon 50 ka oras nga lalab-uton. Gusto mo bala dugangan ang imo oras sa ministeryo sa tion sang Memoryal? Ano ang makabulig para mahimo mo ini?

Sa masami, madamo kita sing mahimo kon ginaplano naton ini sing abanse. (Hul 21:5) Bangod lapit na lang ang Memoryal, dapat magplano ka na subong. Pamensara kon ano ang mahimo mo para madugangan ang imo oras sa ministeryo sa tion sang Memoryal, kag planuha kon paano mo malab-ot ini nga tulumuron. Dayon pangabaya si Jehova nga pakamaayuhon niya ang imo mga panikasog.—1Ju 5:14, 15.

May napensaran ka bala nga mga paagi kon paano mo madugangan ang imo oras sa ministeryo sa tion sang Memoryal?