Ginagamit Mo Bala ang Audio Bible?

Ano ang audio Bible? Ang audio Bible amo ang ginrekord nga gin-revise nga New World Translation. Amat-amat ini nga gina-release sa madamo nga lenguahe. Kanami sining audio Bible kay lainlain ang tingog sang kada karakter sa Biblia. Ang mga tinaga ginabasa nga may empasis kag balatyagon para mapabutyag sing insakto ang mensahe sang Biblia.

Paano nakabenepisyo ang iban sa audio Bible? Madamo ang nanamian mamati sang audio Bible kay nahatagan sang kabuhi ang Pulong sang Dios. Bangod lainlain ang tingog sang kada karakter sa Biblia, mas maimadyin nila ang mga hitabo kag mas maintiendihan ang mensahe sini. (Hul 4:5) Madamo man ang nagasiling nga nagakalma sila kon mamati sila sang audio Bible.—Sa 94:19.

May daku nga epekto sa aton kabuhi kon nagapamati kita nga ginabasa ang Pulong sang Dios sing matunog. (2Cr 34:19-21) Kon may bahin ukon kompleto na nga audio Bible sa lenguahe nga maintiendihan mo, puede mo bala pamatian ini sing regular?

TAN-AWA ANG VIDEO NGA ANG PAGHIMO SANG AUDIO BIBLE—PORSYON LANG SANG VIDEO, DAYON SABTI ANG MASUNOD NGA PAMANGKOT:

Ano ang nanamian mo sa paghimo sang audio Bible?