Mga Paagi Para Mabasa Mo ang Biblia Adlaw-adlaw

Bangod sa kasakuon, may mga tion bala nga nabudlayan ka nga sundon ang imo iskedyul sa pagbasa sang Biblia adlaw-adlaw? (Jos. 1:8) Testingi ini nga mga panugda:

• Mag-set sang reminder sa imo cell phone. Ipa-alarm ang imo cell phone sa oras sang imo iskedyul sa pagbasa sang Biblia para magpahanumdom sa imo parte sini.

• Ibutang ang imo Biblia sa lugar nga dali mo ini makita. Kon naimprinta nga Biblia ang imo ginagamit, ibutang ini sa lugar nga makita mo ini dayon.​—Deut. 11:18.

• Pamatii ang audio recording sang Biblia. May pila ka lenguahe nga may audio recording sang Biblia. Pamatii ini samtang nagahimo ka sang imo mga hilikuton kada adlaw. Si Tara, nga isa ka payunir kag iloy nga nagaobra kon gab-i, nagsiling: “Ginapamatian ko ang audio recording sang Biblia samtang ginahimo ko ang mga ulubrahon sa balay, gani mabasa ko gid ang Biblia adlaw-adlaw.”

• Panikasugi nga indi gid maglaktaw bisan isa lang ka adlaw. Kon indi mo masunod ang imo iskedyul bangod sa wala ginapaabot nga mga rason, panikasugi nga magbasa sing bisan pila lang ka bersikulo antes ka magtulog. Daku gihapon ang imo mabenepisyo bisan pila lang ka bersikulo ang imo mabasa kada adlaw.​—1 Ped. 2:2.