Hunahunaa Liwat ang Panguna nga mga Punto

May mga tion bala nga nabudlayan ka nga madumduman ang bag-o mo lang natun-an? Naeksperiensiahan gid naton ini tanan. Ano ang puede mo himuon? Hunahunaa liwat ang panguna nga mga punto.

Samtang nagatuon ka, mag-untat sing makadali sa imo pagtuon kag pamalandungi ang importante nga mga punto. Amo ini ang ginpalig-on ni apostol Pablo sa mga kauturan nga magabasa sang iya sulat. Nagsiling sia: “Amo ini ang panguna nga punto.” (Heb. 8:1) Paagi sa sini, ginbuligan niya sila nga maintiendihan sing maayo ang iya sulat, kag kon ano ang kaangtanan sang kada punto sa iya panguna nga punto.

Pagkatapos mo magtuon, puede ka magpain sang tion para pamalandungan ang panguna nga mga punto sa imo natun-an. Puede ka magpain sing bisan pulo lang ka minutos para sa sini. Kon indi mo madumduman ang panguna nga mga punto, basaha liwat ang mga subtitulo ukon ang una nga sentence sang kada parapo. Kon may bag-o ka nga natun-an, panikasugi nga ipaathag ini sa imo kaugalingon nga mga tinaga. Kon hunahunaon mo liwat ang panguna nga mga punto, mas mahapos para sa imo nga madumduman ini. Makabulig man ini sa imo nga makita kon paano mo ini maaplikar sa imo kabuhi.