Matun-an Mo ang Kaalam sang Dios
“Ang pagsulat sa bug-os nga Kasulatan gintuytuyan sang Dios.” (2 Timoteo 3:16) Sa sini nga bersikulo, ang tinaga nga “gintuytuyan” nagakahulugan nga ginbutang sang Labing Gamhanan nga Dios ang iya panghunahuna sa hunahuna sang mga manunulat sang Biblia.
Gusto sang Dios nga Makabenepisyo Ka sa Iya Kaalam
“Ako si Jehova . . . ang nagatudlo sa imo para sa imo kaayuhan, ang nagatuytoy sa imo sa dalanon nga dapat mo laktan. Luyag ko nga magpamati ka sa akon mga sugo! Kon himuon mo ini, ang imo paghidait mangin kaangay sang suba kag ang imo pagkamatarong mangin kaangay sang mga balod sang dagat.”—ISAIAS 48:17, 18.
Pangagda ini sang Dios sa imo. Gusto niya nga may kalinong ka kag mangin malipayon asta san-o, kag buligan ka gid niya.
Matun-an Mo ang Kaalam sang Dios
“Ibantala ang maayong balita sa tanan nga pungsod.”—MARCOS 13:10.
Nalakip sa “maayong balita” ang mga promisa ni Jehova nga tapuson niya ang pag-antos, himuon niya nga paraiso ang duta, kag buhion niya ang aton napatay na nga mga pinalangga. Ini nga mensahe nga halin sa Biblia, ginabantala sang mga Saksi ni Jehova sa bilog nga kalibutan.