Bag-ong Programa sang Pinasahi nga Adlaw sang Asambleya

¹ Ang aton programa sang pinasahi nga adlaw sang asambleya nga magasugod sa ikaduha nga semana sang Pebrero may tema nga “Magpadayon sa Pagpanaksi sa Kamatuoran.” Ang bug-os nga programa magasentro sa halimbawa nga ginbilin ni Jesus sa aton kag kon paano niya ginhimuslan ang tanan nga kahigayunan nga mapaambit ang kamatuoran sa iban. Magapadaku ini sang aton responsabilidad subong mga disipulo ni Cristo nga ilugon sia sa pagpanaksi sa kamatuoran.​—1 Cor. 11:1.

² Pagabinagbinagon ang papel sang kongregasyon sa pagpasanyog sang kamatuoran. Ang maayo nga paggamit sa aton mga magasin kag sa iban pa nga mga publikasyon padakuon man.

³ Ang pangunang pamulongpulong sang nagaduaw nga humalambal kon may isa nga matigayon ginatig-uluhan nga “Pagpanaksi sa Kamatuoran​—Kon Ano ang Mahimo Sini.” (Juan 8:32) Ining programa sang pinasahi nga adlaw sang asambleya pat-od nga magapadalom sang aton apresasyon sa kamatuoran kag magabulig sa aton tanan sa pagpabilin nga dimationg kag “malig-on nga napahamtang sa kamatuoran.”​—2 Ped. 1:12; 1 Cor. 15:58.