Masarangan Mo nga Magbantala kag Magtudlo!

Sang nabaton ni Moises ang iya asaynment halin kay Jehova, pamatyag niya indi niya ini masarangan. (Ex 4:10, 13) Amo man bala sini ang nabatyagan mo? Nagatuon ka bala sa Biblia sa mga Saksi ni Jehova? Nagahunahuna ka bala nga indi mo masarangan nga magbantala? Ukon mahimo isa ikaw ka pamatan-on nga nakulbaan magpanaksi sa eskwelahan. Ukon basi nakulbaan ka magpanaksi paagi sa telepono ukon magpanaksi sa publiko nga mga lugar. Mangamuyo kay Jehova kag mangabay sang iya balaan nga espiritu. (1Pe 4:11) Makasalig ka nga buligan ka niya para mahimo ang bisan ano nga asaynment nga ginhatag niya sa imo.—Ex 4:11, 12.

TAN-AWA ANG VIDEO NGA MANGIN MAISOG . . . MANUGBANTALA, DAYON SABTI ANG MASUNOD NGA MGA PAMANGKOT:

• Ano ang mga kabudlayan ni Sister Aoyama?

• Ano ang nakahatag sa iya sing kusog kag kaisog?—Jer 20:7-9

• Paano sia ginpakamaayo kay ginpasangkad niya ang iya pag-alagad kay Jehova?

• Ano nga mga kabudlayan sa ministeryo ang malampuwasan mo sa bulig ni Jehova?