KAHON 20A
Ang Pagpanagtag sing Duta
Ang paglaragway sa mga dulunan nga palareho ang takus nagpasalig sa mga tinapok nga mapasag-uli gid ang ila pinalangga nga duta. Ano ang matun-an naton sa sini nga palanan-awon? Binagbinaga ang duha ka bahin sini.
May sigurado nga lugar kag hamili nga asaynment
Ang kada isa sa nagbalik nga mga tinapok may palanublion gid sa napasag-uli nga Ginsaad nga Duta. Amo man subong, ang tanan nga alagad ni Jehova may lugar sa espirituwal nga paraiso. Bisan ano man ka gamay sang aton papel sa organisasyon, may sigurado nga lugar kita kag hamili nga asaynment sa espirituwal nga duta. Para kay Jehova, hamili ang tanan niya nga alagad.
Pareho ang bahin
Sa palanan-awon ni Ezequiel, ang kada parte sa napasag-uli nga Ginsaad nga Duta palareho nga makahatag sing benepisyo sa mga pumuluyo sini. Amo man subong, ginhatagan ni Jehova ang tanan niya nga alagad sing palareho nga kahigayunan nga makaistar sa espirituwal nga paraiso kag makabaton sing mga pagpakamaayo.