Baibel be Dahaka Ia Gwau?

Dirava be mai ena ladana, eiava?

HAIDA IDIA GWAU ia be mai ena ladana lasi, ma haida idia gwau iena ladana be “Dirava” eiava “Lohiabada,” bona ma haida idia gwau iena ladana be momo. Oi be dahaka oi laloa?

BAIBEL BE DAHAKA IA GWAU:

“Oiemu ladana be Iehova. Bona oi sibona, Ataiai Momokani Diravana, ese tanobada oi biagua noho.”​—Salamo 83:18.

BAIBEL AMO DAHAKA GAU MA HAIDA ITA DIBAIA DIBA?

• Ena be Dirava ena dagi ladadia be momo, to iena ladana be tamona.​—Esodo 3:15.

• Dirava be momokani ia noho; ia ura ia do ita dibaia.​—Kara 17:27.

• Dirava ena ladana ita dibaia karana amo ia ida iseda hetura karana ita hamatamaia.​—Iamesi 4:8.

Dirava ena ladana ita gwauraia be kerere, a?

EMU HAERE BE . . . .

• Oibe

• Lasi

• Lau daradara

BAIBEL BE DAHAKA IA GWAU:

“Lohiabada emui Dirava ena ladana be do umui gwauraia kava, gwauraia kava lasi.” (Esodo 20:7) Mai hemataurai lasi ida Dirava ena ladana ita gaukaralaia be maoro lasi.​—Ieremia 29:9.

BAIBEL AMO DAHAKA GAU MA HAIDA ITA DIBAIA DIBA?

• Iesu be Dirava ena ladana ia diba bona ia gaukaralaia.​—Ioane 17:25, 26.

• Dirava ia ura ena ladana do ita gaukaralaia.​—Salamo 105:1.

• Dirava ena inai taudia ese taunimanima edia lalona idia veria Dirava ena ladana idia laloaboio totona.​—Ieremia 23:27.