June Ena Hesiai Hebou
June 1 ai Ia Matamaia Purana
Ane 133 (68)
10 min: Kongregesen ena hadibaia herevadia.
20 min: “Gabu Daudau ai Eiava Ita Haroro Momo Lasi Gabudia ai Ita Lao Haroro Totona.” Haroro gaukara naria tauna ese inai hereva do ia karaia. Tadikaka abidia hidi guna paragraf ta ta idia duahidia totona, bena idia duahia murinai henanadai bona ma hereva haida oi gwauraidia.
15 min: “Gabu Daudau Teritori Ena Haroro Ripoti.” Ia hanai vadaeni hesiai laganina (1991) lalonai, Association ese kongregesen iboudiai bona sibodia idia gaukara grup maragidia edia gabu daudau teritori ia abia hidi idia lao haroro totona, unai gabu idauidau iboudiai be 116. To Bougainville ena kongregesen rua bona Tasman Islands ena kongregesen tamona edia haroro gabuna ia gwauraia lasi badina leta ia siaia be dala lasi.
Ane 39 (16) bona guriguri.
June 8 ai Ia Matamaia Purana
Ane 211 (27)
10 min: Kongregesen ena hadibaia herevadia.
20 min: “Nega Ginigunana Taunimanima Ta Oi Haroro Henia Dalana.” Hebou vairanai duahiduahi ia diba namonamo tauna oi abia hidi paragraf ia duahia totona, bena sibona oi hegaegaelaia henanadai oi henia helai taudia ese inai hereva ena anina idia abia namonamo totona.
15 min: Tomadiho Taudia Haboudia. Elda ta ese inai hereva be January 1, 1992 Gima Kohorona ena rau 3-7 dekena amo do ia hegaegaelaia. Rau 5 ena sivarai ia kikilaia sisina, do ia hahedinaraia ita be nega dokona lalonai ita noho bona gaukara ia do noho ita karaia totona. Bema ena nega ia hegeregere, unai ‘haboua gaukara’ ia bada ia lao ena ekspiriens haida do ia kikilaia.
Ane 209 (117) bona guriguri.
June 15 ai Ia Matamaia Purana
Ane 139 (74)
10 min: Kongregesen ena hadibaia herevadia. Akaun ripotina gwauraia.
17 min: “Dahaka Dainai Bible Stadi Ta Oi Ura Abia Karana be Namo.” Duahiduahi idia diba namonamo taudia oi abia hidi guna paragraf ta ta idia duahia totona, bena idia duahia murinai henanadai do oi gwauraia. Pablisa eiava pioneer ta oi henanadai henia, ia ese ia stadi henia tauna be ia gwauhamata bona bapatiso ia abia unai. Oi nanadaia ia bona ia stadi henia tauna edena bamona idia hetura heheni bona unai stadi ia karaia dainai dahaka hahenamo idia abia.
18 min: Tubudia Tamadia Tomadiho Henia Karana. Elda ta ese ‘Tubudia Tamadia Tomadiho Henia Karana’ ena hereva do ia hegaegaelaia Mase Taudia Edia Lauma buklet matamatana ena rau 2, 3, 5, 6, 13, 14, 28, bona 29-32 dekena amo.
Hari inai nega lalonai, mase taudia hanamodia totona taunimanima ese kara idauidau idia karaia. Taunimanima haida ese mase taudia idia matauraidia bona idia tomadiho henidia hegeregerena idia be idia do mauri noho bamona. Idia koroa laulaudia, idia torea laulaudia, bona idia torea sivaraidia ese mase tau badadia edia ladadia idia habadaia. Papua New Guinea lalonai taunimanima ese edia mase varavara taudia bona tubudia tamadia tomadiho henia karana ena hekwakwanai haida do oi kikilaia.
Haheitalai ta oi hegaegaelaia. Tamana ta bona ena natuna badana do idia kiki hebou. Tamana ese Mase Taudia Edia Lauma buklet ena rau 19 amo sivarai ia kikilaia; natuna ia hadibaia dahaka dainai ia dika bema muvini piksa ese taunimanima hagaria lauma dikadia hereva henia karana eiava mase taudia do idia giroa mai bona mauri taudia idia hagaridia karana idia raraia. Ia ese natuna dekenai mase taudia be edeseniai bona toreisi lou ena helaro do ia kikilaia, bona unai ese iseda lalohadai mase taudia dekenai do ia haidaua dalana ia hahedinaraia. Natuna ia gwau ia ura lasi lauma dikadia hereva henia muvini piksa do ia raraia.
Ane 15 (67) bona guriguri.
June 22 ai Ia Matamaia Purana
Ane 72 (81)
10 min: Kongregesen ena hadibaia herevadia.
20 min: “Taunimanima Edia Lalona Idia Veria Kiki Herevadia.” Elda ta bona pioneer eiava pablisa rua eiava toi ese inai hereva do idia kikilaia hebou. Emui teritori dekenai edena bamona kiki herevadia be idia namo do umui kikilaia.
15 min: Iehova Ena Tanobada Oreana Oi Laloa Bada, A? Bema elda ta ia noho ia ese inai hereva do ia karaia. Inai hereva be November 1, 1991 Gima Kohorona ena rau 30 bona 31 dekena amo do ia hegaegaelaia; unai sivarai ena ladana be “Iehova Ena Tanobada Oreana Oi Laloa Bada, A?” Tadikaka bona taihu oi hagoadaia edia abidadama bona tabekau karana orea dekenai idia habadaia totona.
Ane 101 (61) bona guriguri.